(٣٩٠٩) (ا) ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے ظہر یا عصر کی نماز پڑھائی تو دو رکعتوں کے بعد سلام پھیر دیا تو ذو الشمالین بن عبد عمرو جو بنی زہرہ کا حلیف تھا نے کہا : اے اللہ کے رسول ! کیا نماز میں تخفیف کردی گئی ہے یا آپ بھول گئے ہیں ؟ تو نبی (صلی اللہ علیہ وآلہ وسلم) نے فرمایا : ذوالیدین کیا کہہ رہا ہے ؟ صحابہ (رض) نے عرض کیا : اے اللہ کے نبی ! سچ کہہ رہا ہے۔ آپ (صلی اللہ علیہ وآلہ وسلم) نے انھیں دو رکعتیں مکمل کروائیں جو رہ گئی تھیں۔
(ب) زہری (رض) بیان کرتے ہیں کہ پھر آپ (صلی اللہ علیہ وآلہ وسلم) نے فارغ ہونے کے بعد دو سجدے کیے۔
(ج) یہ حدیث اس بات پر دلالت کر رہی ہے کہ انھوں نے دو سجدوں کا ذکر نہیں کیا حالانکہ انھوں نے وہ دو سجدے کیے ہیں اور ان سے انہی کے بارے میں خبر دی گئی ہے۔
(د) محمد بن سیرین ابی ہریرہ (رض) سے اور سعد بن ابراہیم ابو سلمہ اور ابی ہریرہ (رض) سے نقل کرتے ہیں کہ نبی (صلی اللہ علیہ وآلہ وسلم) نے سہو کے دو سجدے کیے تھے۔