(٣٩٩٣) سیدنا انس بن مالک (رض) سے قرآن کے جمع کرنے کے واقعہ میں منقول ہے : جب سیدنا عثمان بن عفان (رض) نے زید بن ثابت، عبداللہ بن زبیر ‘ سعید بن عاص عبد الرحمن بن حارث بن ہشام ] کو حکم دیا کہ وہ قرآن کی نقلیں تیار کریں اور فرمایا : جس چیز میں تمہارا اور زید بن ثابت (رض) کا اختلاف ہوجائے تو قریش کی لغت میں لکھو، کیونکہ قرآن انہی کی لغت میں نازل ہوا ہے تو انھوں نے قرآن کو مصاحف میں لکھا۔ لوگوں نے زید بن ثابت (رض) سے ” التابوت “ میں اختلاف کیا، قریشیوں کے گروہ نے کہا : التابوت “ اور زید (رض) نے کہا : التابوہ۔ وہ اپنا اختلاف لے کر سیدنا عثمان (رض) کے پاس گئے تو انھوں نے فرمایا : ” التابوت “ لکھو کیونکہ یہ (قرآن) قریش کی لغت میں نازل ہوا ہے۔