(٤٣٣٨) حضرت عثمان بن یمان فرماتے ہیں کہ جب مدینہ میں مہاجرین زیادہ ہوگئے اور ان کے لیے کوئی گھر اور ٹھکانا نہ رہا تو نبی (صلی اللہ علیہ وآلہ وسلم) نے انھیں مسجد میں ٹھہرایا اور انھیں ” اصحابِ صفہ “ کا نام دیا۔ آپ (صلی اللہ علیہ وآلہ وسلم) ان کے پاس بیٹھ کر پیار بھری باتیں کیا کرتے تھے۔
(ب) سعید بن مسیب (رح) سے منقول ہے کہ ان سے مسجد میں سونے کے بارے میں سوال کیا گیا : تو انھوں نے فرمایا : اہل صفہ کہاں سوتے تھے، یعنی وہ بھی مسجد میں ہی سوتے تھے۔