(٤٤) یحییٰ بن معین نے فرمایا کہ حدیث عبداللہ بن عکیم (رض) کہ ہمارے پاس رسول اللہ (صلی اللہ علیہ وآلہ وسلم) خط آیا (جس میں لکھا تھا) کہ تم مردار کے چمڑے سے نفع حاصل نہ کرو اور نہ ہی اس کے پٹھوں سے فائدہ اٹھاؤ، ایک اور قوی سند کے ساتھ ہمارے اصحاب نے ہم کو بیان کی ہے کہ نبی (صلی اللہ علیہ وآلہ وسلم) نے لکھا : ” تم نفع نہ اٹھاؤ۔ “
شیخ ابو زکریا (رح) اسی حدیث کی علت بیان کرتے ہوئے کہتے ہیں کہ ہمارے نزدیک یہ چمڑا رنگنے سے پہلے پر محمول ہے۔ اس کی دلیل اگلے ابواب میں صحیح (اسناد سے) وارد احادیث ہیں۔