(٤٥٠٧) ابن عباس (رض) فرماتے ہیں کہ میں نے اپنی خالہ میمونہ بنت حارث جو نبی (صلی اللہ علیہ وآلہ وسلم) کی بیوی ہیں، ان کے گھر رات گزاری۔ رسول اللہ (صلی اللہ علیہ وآلہ وسلم) نے عشا کی نماز پڑھائی اور گھر آ کر چار رکعت نماز پڑھی۔ پھر سو گئے، پھر بیدار ہوئے تو پوچھا : بچہ سو گیا یا اس سے ملتا جلتا کلمہ کہا، پھر آپ (صلی اللہ علیہ وآلہ وسلم) نماز کے لیے کھڑے ہوئے، میں آپ (صلی اللہ علیہ وآلہ وسلم) کی بائیں جانب کھڑا ہوگیا۔ آپ (صلی اللہ علیہ وآلہ وسلم) نے مجھے اپنی دائیں جانب کرلیا۔ آپ (صلی اللہ علیہ وآلہ وسلم) نے پانچ رکعات ادا کیں، پھر دو رکعت نماز پڑھی، پھر آپ (صلی اللہ علیہ وآلہ وسلم) سو گئے، یہاں تک کہ میں نے آپ (صلی اللہ علیہ وآلہ وسلم) کے خراٹوں کی آواز سنی، پھر آپ (صلی اللہ علیہ وآلہ وسلم) نماز کے لیے چلے گئے۔