(٤٥٠٨) شریح بن ہانی حضرت عائشہ (رض) سے نقل فرماتے ہیں کہ میں نے عائشہ (رض) سے نبی (صلی اللہ علیہ وآلہ وسلم) کی نماز کے بارے میں سوال کیا تو انھوں نے فرمایا : نبی (صلی اللہ علیہ وآلہ وسلم) عشا کی نماز پڑھتے، پھر میرے پاس آتے اور چار یا چھ رکعات ادا فرماتے۔ ایک مرتبہ رات کو بارش ہوئی تو ہم نے آپ (صلی اللہ علیہ وآلہ وسلم) کے لیے چٹائی بچھا دی، گویا میں اس چٹائی کے سوراخ کی طرف دیکھ رہی تھی جس سے پانی پھوٹ رہا تھا اور میں نے نہیں دیکھا کہ آپ (صلی اللہ علیہ وآلہ وسلم) اپنے کپڑوں کو زمین پر لگنے سے بچا رہے ہوں۔