(٤٦٠٧) زید بن ثابت (رض) فرماتے ہیں کہ نبی (صلی اللہ علیہ وآلہ وسلم) نے رمضان میں ایک چٹائی کا حجرہ بنایا۔ اس میں آپ (صلی اللہ علیہ وآلہ وسلم) نے چند راتیں نماز پڑھی۔ مرثدی کی روایت میں ہے کہ دو راتیں اور لوگوں نے آپ (صلی اللہ علیہ وآلہ وسلم) کے ساتھ نماز پڑھی۔ جب آپ (صلی اللہ علیہ وآلہ وسلم) نے ان کی تھکاوٹ کو جان لیا تو آپ (صلی اللہ علیہ وآلہ وسلم) بیٹھ گئے اور پھر آپ (صلی اللہ علیہ وآلہ وسلم) نے فرمایا : میں نے تمہاری حالت کو دیکھ لیا، لوگو ! تم اپنے گھروں میں نماز پڑھا کرو؛کیونکہ آدمی کی افضل نماز وہ ہے جو وہ گھر میں پڑھتا ہے، سوائے فرض نماز کے۔