(٤٦١٠) جبیر بن نفیر ابوذر (رض) سے نقل فرماتے ہیں کہ ہم نے نبی (صلی اللہ علیہ وآلہ وسلم) کے ساتھ رمضان کے روزے رکھے اور مہینہ میں کچھ بھی قیام نہیں کیا حتیٰ کہ تیئیسویں رات آگئی۔ آپ (صلی اللہ علیہ وآلہ وسلم) نے ہمارے ساتھ رات کے تیسرے حصے تک قیام کیا، پھر چوبیسویں کی رات آپ (صلی اللہ علیہ وآلہ وسلم) نے قیام نہیں کیا، پھر پچیسویں رات آدھی رات تک قیام کیا۔ ہم نے کہا : اے اللہ کے رسول ! اگر ہم باقی رات نفل پڑھیں تو آپ (صلی اللہ علیہ وآلہ وسلم) نے فرمایا : جب انسان امام کے ساتھ قیام کرلیتا ہے تو اس کو باقی رات کا بھی ثواب مل جاتا ہے۔ پھر آپ (صلی اللہ علیہ وآلہ وسلم) نے ٢٦ کی رات قیام نہیں کیا اور ٢٧ کو قیام کیا اور اپنے گھر والوں کی طرف چلے گئے اور لوگ جمع ہوگئے ۔ ہم ڈرے کہیں ہماری سحری بھی نہ رہ جائے۔
(ب) وہیب داؤد سے بیان کرتے ہیں کہ چوبیس کی رات باقی میں سے ساتویں اور اس نے کہا : ٢٦ کی رات، باقی میں سے پانچویں اور ٢٨ کی رات باقی میں سے تیسری۔