(٤٦٣٩) ابن عباس (رض) فرماتے ہیں : سو رہ مزمل { قُمِ اللَّیْلَ إِلاْ قَلِیلاً نِصْفَہُ } ” رات کا قیام کم کریں “ اس کو منسوخ کردیا اس آیت نے { عَلِمَ أَنْ لَنْ تُحْصُوہُ فَتَابَ عَلَیْکُمْ فَاقْرَئُ وا مَا تَیَسَّرَ مِنَ الْقُرْآنِ } [المزمل : ٢٠] ” اللہ جانتا ہے کہ تم اس کو ہرگز نہ نبھا سکو گے پس اس نے تم پر مہربانی کی، لہٰذا جتنا قرآن تمہارے لیے آسان ہے اتنا ہی پڑھو۔ “ یہ ان کی ابتدائی رات کی نماز تھی۔ آپ فرماتے ہیں کہ یہ زیادہ مناسب ہے کہ تم شمار کرسکو جو اللہ نے رات کی نماز سے تمہارے اوپر فرض کیا ہے۔ جب انسان سو جاتا ہے وہ نہیں جانتا وہ کب بیدار ہوگا اور اللہ کا فرمان { أَقْوَمُ قِیلاً } [المزمل : ٦] ” اور بات کو بہت درست کردینے والا ہے۔ “ یہ زیادہ لائق ہے کہ وہ قرآن کو سمجھ سکے اور اللہ کا فرمان {إِنَّ لَکَ فِی النَّہَارِ سَبْحًا طَوِیلاً } [المزمل : ٧] ” یقیناً دن میں آپ کو بہت مصروفیت رہتی ہے۔ “ سے مراد زیادہ فراغت ہے۔