(٥١٥٧) ثابت انس (رض) سے نقل فرماتے ہیں کہ میں، میری امی اور خالہ ام حرام رسول اللہ (صلی اللہ علیہ وآلہ وسلم) کے پاس آئے، آپ (صلی اللہ علیہ وآلہ وسلم) نے فرمایا : اٹھو میں تمہیں نماز پڑھاؤں۔ آپ (صلی اللہ علیہ وآلہ وسلم) نے نماز کے وقت کے بغیر نماز پڑھائی۔ ثابت سے کسی شخص نے پوچھا : ان کو نبی (صلی اللہ علیہ وآلہ وسلم) نے کہاں کھڑا کیا ؟ فرمایا : اپنی دائیں جانب، جب نبی (صلی اللہ علیہ وآلہ وسلم) نے نماز مکمل کی تو گھر والوں کے لیے دنیا اور آخرت کی تمام بھلائیوں کی دعا کی۔ میری والدہ نے کہا : اے اللہ کے رسول ! اپنے چھوٹے خادم کے لیے بھی اللہ سے دعا کردیں۔ آپ (صلی اللہ علیہ وآلہ وسلم) نے میرے لیے دعا کی، آپ (صلی اللہ علیہ وآلہ وسلم) کی آخری دعا جو میرے لیے تھی یہ تھی : اے اللہ ! اس کا مال اولاد زیادہ کر اور اس میں برکت دے۔