(٥١٥٨) محمود بن ربیع فرماتے ہیں کہ مجھے ہوش ہے کہ نبی (صلی اللہ علیہ وآلہ وسلم) نے ہمارے گھر کے ڈول سے کلی کی۔ محمود بن ربیع کہتے ہیں کہ عتبان بن مالک نے مجھے بیان کیا کہ میں نے رسول اللہ (صلی اللہ علیہ وآلہ وسلم) سے کہا : میری نظر ختم ہوگئی ہے۔ جب بارش ہوتی ہے تو وادی میں پانی کی وجہ سے میرے اور مسجد کے درمیان رکاوٹ بن جاتی ہے۔ اگر آپ (صلی اللہ علیہ وآلہ وسلم) میرے گھر نماز پڑھ دیں تو میں اس کو جائے نماز بنا لوں۔ نبی (صلی اللہ علیہ وآلہ وسلم) نے فرمایا : ٹھیک ہے۔ اگلی صبح نبی (صلی اللہ علیہ وآلہ وسلم) اور ابوبکر (رض) آئے اور انھوں نے اجازت طلب کی تو دونوں کو اجازت دی گئی۔ آپ (صلی اللہ علیہ وآلہ وسلم) بیٹھے نہیں بلکہ آپ (صلی اللہ علیہ وآلہ وسلم) نے فرمایا : آپ کہاں پسند کرتے ہیں جہاں میں آپ کے گھر نماز پڑھوں تو میں نے ایک کونے کی طرف اشارہ کیا، نبی (صلی اللہ علیہ وآلہ وسلم) آگے ہوئے تو ہم نے آپ (صلی اللہ علیہ وآلہ وسلم) کے پیچھے صفیں بنالیں، آپ (صلی اللہ علیہ وآلہ وسلم) نے ہمیں دو رکعات نماز پڑھائی اور ہم نے نبی (صلی اللہ علیہ وآلہ وسلم) کو حلوے کے لیے روک لیا جو ہم نے آپ (صلی اللہ علیہ وآلہ وسلم) کے لیے بنایا تھا۔