(٥١٧١) (الف) عبد الرحمن بن مسعود اپنے والد سے نقل فرماتے ہیں کہ میں اور علقمہ دوپہر کے وقت عبداللہ بن مسعود کے پاس آئے۔ جب سورج ڈھل گیا تو انھوں نے نماز کھڑی کی، میں اور میرا ساتھی ان کے پیچھے کھڑے ہوگئے۔ انھوں نے میرا اور میرے ساتھی کا ہاتھ پکڑا اور ہمیں دائیں بائیں کھڑا کردیا اور خود ہمارے درمیان کھڑے ہوگئے، فرمایا : رسول اللہ (صلی اللہ علیہ وآلہ وسلم) اسی طرح کرتے تھے جب تین لوگ ہوتے پھر انھوں نے ہمیں نماز پڑھائی۔ جب فارغ ہوئے تو فرمایا : عنقریب ائمہ نمازوں کو مؤخر کریں گے تم ان کا انتظار نہ کرنا اور ان کے ساتھ بھی نماز پڑھ لینا، وہ تمہارے لیے نفل ہوجائے گی۔
(ب) ابو ذر (رض) فرماتے ہیں کہ ابن مسعود (رض) نے آپ (صلی اللہ علیہ وآلہ وسلم) کو دیکھا کہ آپ اور آپ کے صحابہ نفل نماز الگ الگ پڑھتے تھے، جماعت نہیں کروائی۔