(٥٢٥٦) عمرو بن میمون فرماتے ہیں : جب عمر بن خطاب (رض) زخمی کیے گئے۔ میں وہاں موجود تھا۔ ابو لؤلؤ آیا، آپ (صلی اللہ علیہ وآلہ وسلم) صفیں درست کر رہے تھے۔ اس نے آپ کو زخمی کیا اور بارہ مرد اور تھے جو زخمی ہوئے۔ میں نے حضرت عمر (رض) کو دیکھا، وہ اپنا ہاتھ پھیلائے ہوئے تھے اور کہہ رے تھے : کتے کو پکڑو اس نے مجھے قتل کردیا تو ایک شخص پیچھے سے آیا اور قاتل کو پکڑا ۔ حضرت عمر (رض) کو اٹھا کر ان کے گھر لایا گیا تو طبیب آیا اور کہنے لگا : آپ کو کیا پینا زیادہ پسند ہے۔ آپ نے فرمایا : نبیذ ” نبیذ لایا گیا تو آپ نے اس سے پیا، وہ ایک زخم سے نکل گیا، کہنے لگے : یہ خون کی پیپ ہے۔ پھر دودھ منگوا کر پیا تو طبیب کہنے لگا : اے امیرالمؤمنین ! وصیت کردیں مجھے نہیں معلوم کہ آپ شام تک زندہ رہیں گے یا نہیں ؟ کعب آئے تو کہنے لگے : میں نے کہا نہیں تھا کہ آپ کو شہادت کی موت آئے گی اور آپ کہتے تھے کہ میں تو جزیرہ عرب میں ہوں۔ راوی کہتے ہیں : ایک شخص نے کہا : اے اللہ کے بندو ! نماز ! قریب تھا کہ سورج طلوع ہو جاتاتو وہ پیچھے ہٹے اور عبد الرحمن بن عوف کو آگے کیا، انھوں نے دو چھوٹی سورتیں پڑھیں : { وَالْعَصْرِ } اور {إِنَّا أَعْطَیْنَاکَ الْکَوْثَرَ }۔