(٥٢٢٥) نافع فرماتے ہیں کہ مدینہ کے گردو نواح میں ایک مسجد میں اقامت کہی گئی اور ابن عمر (رض) کی اس مسجد کے قریب زمین تھی وہ اس میں کام کرتے تھے۔ اس مسجد کا امام ان کا غلام تھا۔ اس غلام اور اس کے ساتھیوں کی رہائش گاہ اس جگہ تھی، جب ان کو پتہ چلا کہ ابن عمر (رض) نماز کے لیے آئے ہیں تو کہنے لگے : آگے بڑھو اور جماعت کراؤ۔ ابن عمر (رض) فرمانے لگے : آپ زیادہ حق دار ہیں کہ اپنی مسجد میں جماعت کروائیں تو ان کے غلام نے جماعت کروائی۔