(٥٤٣٤) عبد الرحمن بن یزید فرماتے ہیں کہ عثمان بن عفان (رض) نے منیٰ میں چار رکعات پڑھائیں تو عبداللہ بن مسعود (رض) فرمایا : میں نے نبی (صلی اللہ علیہ وآلہ وسلم) ‘ ابوبکر (رض) ‘ اور عمر (رض) کے ساتھ منیٰ میں دو دو رکعات پڑھیں۔ اس میں حفص نے کچھ اضافہ کیا ہے کہ حضرت عثمان کی خلافت کے شروع میں بھی۔ پھر انھوں نے نماز مکمل کی۔ اس روایت میں یہاں ابی معاویہ سے کچھ زائد بیان کیا گیا ہے کہ راستے جداہو گئے۔ میں چاہتا ہوں کہ چار رکعات ہوں ، لیکن دو رکعات ہی قبول کی جائیں گی۔ معاویہ بن قرہ فرماتے ہیں کہ عبداللہ بن مسعود (رض) نے چار رکعات پڑھیں ۔ کہا گیا کہ آپ عثمان (رض) پر تو آپ عیب لگاتے تھے اور اب خود چار رکعات پڑھتے ہیں ؟ فرمانے لگے : اختلاف بری چیز ہے۔