(٥٥٦) (الف) ہمام کہتے ہیں : جریر نے پیشاب کیا، پھر وضو کیا اور اپنے موزوں پر مسح کیا تو ان سے کہا گیا : آپ یہ کرتے ہیں حالانکہ آپ نے پیشاب کیا ہے ؟ تو انھوں نے کہا : جی ہاں ! میں نے رسول اللہ (صلی اللہ علیہ وآلہ وسلم) کو دیکھا، آپ (صلی اللہ علیہ وآلہ وسلم) نے پیشاب کیا، پھر وضو کیا اور اپنے موزوں پر مسح کیا۔
(ب) جریر بن عبداللہ سے روایت ہے کہ اس نے پیشاب کیا، پھر وضو کیا اور اپنے موزوں پر مسح کیا۔ ہم نے ان سے کہا : آپ نے یہ کیا کیا ہے ؟ انھوں نے کہا : میں نے رسول اللہ (صلی اللہ علیہ وآلہ وسلم) کو دیکھا، آپ (صلی اللہ علیہ وآلہ وسلم) نے ایسے ہی کیا جیسے میں نے کیا۔
(ج) امام بخاری (رح) نے یہ روایت اعمش سے دوسری سند کے ساتھ نقل کی ہے۔