(٥٦٢٢) (الف) طارق بنشہاب فرماتے ہیں کہ یہود کا ایک آدمی حضرت عمر (رض) کے پاس آیا اور کہنے لگا : اے امیر المؤمنین ! تمہاری کتاب میں ایسی آیت ہے جس کو تم پڑھتے ہو، اگر یہود کے گروہ پر اترتی تو وہ اس دن کو عید بنا لیتے۔ انھوں نے پوچھا : کونسی آیت ؟ اس نے کہا : { الْیَوْمَ أَکْمَلْتُ لَکُمْ دِینَکُمْ وَأَتْمَمْتُ عَلَیْکُمْ نِعْمَتِی وَرَضِیتُ لَکُمُ الإِسْلاَمَ دِینًا } [المائدۃ : ٣] آج میں نے تمہارے لیے تمہارا دین مکمل کردیا ہے اور تمہارے اوپر اپنی نعمت کامل کردی ہے اور تمہارے لیے دین اسلام کو پسند کرلیا ہے۔ حضرت عمر (رض) نی فرمایا : میں وہ دن اور جگہ خوب جانتا ہوں جب یہ آیت نازل ہوئی۔ رسول اللہ (صلی اللہ علیہ وآلہ وسلم) پر عرفات کے میدان میں اور جمعہ کے روز نازل ہوئی تھی۔
(ب) جابر بن عبداللہ (رض) فرماتے ہیں کہ اس دن نبی (صلی اللہ علیہ وآلہ وسلم) نے ظہر کی نماز پڑھی جمعہ نہیں۔