(٥٦٦٣) سالم بن عبداللہ اپنے والد سے نقل فرماتے ہیں کہ عمر بن خطاب (رض) جمعہ کے دن خطبہ ارشاد فرما رہے تھے۔ ایک صحابی (رض) داخل ہوئے تو حضرت عمر (رض) نے ان کو آواز دی۔ یہ کون سا وقت ہے ؟ عرض کیا : میں آج مصروف تھا گھر نہ آسکا۔ جب میں نے اذان سنی تو صرف وضو کا وقت تھا۔ حضرت عمر (رض) نی فرمایا : وضو بھی ٹھیک ہے ، لیکن آپ جانتے ہوں گے کہ رسول اللہ (صلی اللہ علیہ وآلہ وسلم) غسل کا حکم دیتے تھے۔
نوٹ : مسجد میں آنے والے صحابی حضرت عثمان بن عفان (رض) تھے۔