(٥٦٦٤) عکرمہ ابن عباس (رض) سے نقل فرماتے ہیں کہ دو عراقی شخص آئے اور انھوں نے غسل جمعہ کے وجوب کے بارے میں سوال کیا تو ابن عباس (رض) نی فرمایا : غسل کرنا زیادہ پاکیزہ اور اچھا ہے۔ لیکن غسل کی ابتدا کیوں ہوئی ، میں بتاتا ہوں : لوگ نبی (صلی اللہ علیہ وآلہ وسلم) کے دور میں غریب تھے اور اون کا لباس پہنتے تھے۔ وہ کھجوریں اپنی کمروں پر لاتے تھے اور مسجدیں تنگ اور چھتیں قریب تھیں ۔ ایک مرتبہ نبی (صلی اللہ علیہ وآلہ وسلم) سخت گرمی میں جمعہ کے دن نکلے۔ آپ (صلی اللہ علیہ وآلہ وسلم) کا منبر بھی چھوٹا تھا اور تین سیڑھیاں تھیں۔ آپ (صلی اللہ علیہ وآلہ وسلم) نے لوگوں کو خطبہ ارشاد فرمایا تو اون کے لباس میں پسینے کی وجہ سے اون اور پسینے کی بو پیدا ہوئی جس کی وجہ سے لوگوں نے تکلیف محسوس کی اور اس کی بو نبی (صلی اللہ علیہ وآلہ وسلم) تک بھی پہنچ گئی ۔ جب آپ (صلی اللہ علیہ وآلہ وسلم) منبر پر تھے تو آپ (صلی اللہ علیہ وآلہ وسلم) نے فرمایا : لوگو ! جب یہ دن ہو تو غسل کرلیا کرو اور گھر سے خوشبو اور تیل لگا لیا کرو۔