(٥٦٩٥) عمرو بن سلیم ابو قتادہ سے نقل فرماتے ہیں کہ میں مسجد میں داخل ہوا اور نبی (صلی اللہ علیہ وآلہ وسلم) لوگوں کے درمیان تشریف فرما تھے۔ میں بیٹھ گیا تو نبی (صلی اللہ علیہ وآلہ وسلم) نے ارشاد فرمایا : تجھے کس چیز نے روکا کہ تو بیٹھنے سے پہلے دو رکعت پڑھے ؟ میں نے کہا : اے اللہ کے رسول ! میں نے آپ کو بیٹھے ہوئے دیکھا اور لوگ بھی بیٹھے تھے ۔ آپ (صلی اللہ علیہ وآلہ وسلم) نے فرمایا : جب تم میں سے کوئی مسجد میں داخل ہو تو دو رکعت پڑھنے سے پہلے نہ بیٹھے۔