(٥٦٩٦) انس بن مالک (رض) فرماتے ہیں کہ میں نے جابربن عبداللہ (رض) سے سنا کہ مسجد کی چھت نبی (صلی اللہ علیہ وآلہ وسلم) کے دور میں کھجور کے تنوں سے بنی ہوئی تھی۔ نبی (صلی اللہ علیہ وآلہ وسلم) جب خطبہ ارشاد فرماتے تو تنے کے ساتھ کھڑے ہوجاتے۔ جب منبر بنا لیا گیا تو آپ (صلی اللہ علیہ وآلہ وسلم) اس منبر پر بیٹھنے لگے۔ اس تنے سے بچے کے رونے کی طرح آواز آتی تھی۔ یہاں تک کہ رسول اللہ (صلی اللہ علیہ وآلہ وسلم) تشریف لائے اور اپنا ہاتھ اس پر رکھا تو وہ خاموش ہوگیا۔