(٥٨٤٠) عبد الرحمن بن عبداللہ بن کعب فرماتے ہیں کہ وہ گروہ جو نبی (صلی اللہ علیہ وآلہ وسلم) نے ابن ابو الحقیق کی طرف روانہ کیا تاکہ اس کو قتل کردیں۔ انھوں نے قتل کردیا اور نبی (صلی اللہ علیہ وآلہ وسلم) کے پاس آئے تو آپ (صلی اللہ علیہ وآلہ وسلم) جمعہ کے دن منبر پر خطبہ ارشاد فرما رہے تھے۔ نبی (صلی اللہ علیہ وآلہ وسلم) نے جب ان کو دیکھا تو فرمایا : چہرے کامیاب ہوگئے۔ انھوں نے کہا : اے اللہ کے رسول ! آپ کو خوشخبری ہو۔ آپ (صلی اللہ علیہ وآلہ وسلم) نے پوچھا : کیا تم نے اس کو قتل کردیا۔ عرض کیا : ہاں۔ آپ (صلی اللہ علیہ وآلہ وسلم) نے تلوارمنگوائی جس سے وہ قتل کیا گیا تھا۔ آپ (صلی اللہ علیہ وآلہ وسلم) منبر پر ہی تھے۔ آپ (صلی اللہ علیہ وآلہ وسلم) نے اس کو سونتا اور فرمایا : یہ تلوار کی مکھیوں کا کھانا ہے اور گروہ میں عبداللہ بن عقیل ‘ عبداللہ بن انیس، اسود بن خزاعی تھے ان کے حلیف تھے اور ابو قتادہ بھی زہری کے گمان کے مطابق لیکن زہری کو پانچویں کا نام یاد نہیں۔