(٦٠٥١) جابر بن عبداللہ (رض) فرماتے ہیں : میں نبی (صلی اللہ علیہ وآلہ وسلم) کے ساتھ نماز خوف میں حاضر ہوا۔ آپ (صلی اللہ علیہ وآلہ وسلم) نے ایک گروہ کو حکم دیا کہ وہ دشمن کے سامنے کھڑا ہو اور آپ (صلی اللہ علیہ وآلہ وسلم) کھڑے ہوئے ، ایک گروہ کو ایک رکعت پڑھا دی۔ پھر وہ جنہوں نے نبی (صلی اللہ علیہ وآلہ وسلم) کے ساتھ نماز پڑھی تھی ان کی جگہ چلے گئے اور وہ نبی (صلی اللہ علیہ وآلہ وسلم) کے پیچھے کھڑے ہوگئے۔ آپ (صلی اللہ علیہ وآلہ وسلم) نے ان کو ایک رکعت پڑھائی۔ جب انھوں نے سجدے کرلیے تو بیٹھ گئے، آپ (صلی اللہ علیہ وآلہ وسلم) نے ان کے ساتھ سلام پھیرا۔ رسول اللہ (صلی اللہ علیہ وآلہ وسلم) کی دو رکعات اور آپ (صلی اللہ علیہ وآلہ وسلم) کے پیچھے والوں کی یک ایک رکعت ہوئی جب انھوں نے سلام پھیرا جو آپ (صلی اللہ علیہ وآلہ وسلم) کے پیچھے تھے تو دوسروں نے بھی سلام پھیرا۔
نوٹ : آپ (صلی اللہ علیہ وآلہ وسلم) کے دو رکعات اور پیچھے والوں کی ایک ایک رکعت یہ بھی بعض راویوں کی جانب سے ہے ، حالانکہ دوسری روایات میں ہے کہ انھوں نے اپنی اپنی رکعت بعد میں مکمل کی ہے۔