(٦٠٥٧) ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے لوگوں کو نماز خوف پڑھائی تو ان کے دو گروہ بنا دیے۔ ایک گروہ نبی (صلی اللہ علیہ وآلہ وسلم) کے پیچھے تھا اور دوسرا گروہ دشمن کے سامنے ۔ آپ (صلی اللہ علیہ وآلہ وسلم) نے اپنے پیچھے والوں کو ایک رکعت پڑھائی اور اس میں ان کو دو سجدے کروائے۔ پھر آپ (صلی اللہ علیہ وآلہ وسلم) کھڑے ہوئے اور وہ بھی آپ (صلی اللہ علیہ وآلہ وسلم) کے ساتھ کھڑے ہوگئے۔ جب آپ (صلی اللہ علیہ وآلہ وسلم) سیدھے کھڑے ہوگئے تو وہ الٹے پاؤں لوٹے جو آپ (صلی اللہ علیہ وآلہ وسلم) کے پیچھے تھے۔ وہ ان لوگوں کے پیچھے کھڑے ہوگئے جو دشمن کے سامنے تھے۔ اب دوسرا گروہ آگیا۔ وہ نبی (صلی اللہ علیہ وآلہ وسلم) کے پیچھے کھڑے ہوگئے۔ انھوں نے اپنی ایک رکعت پڑھی اور رسول اللہ (صلی اللہ علیہ وآلہ وسلم) کھڑے تھے۔ پھر وہ کھڑے ہوئے۔ ان کو نبی (صلی اللہ علیہ وآلہ وسلم) نے دوسری رکعت پڑھائی ۔ یہ ان کی پہلی تھی اور رسول اللہ (صلی اللہ علیہ وآلہ وسلم) کی دو سری۔ پھر وہ دشمن کے سامنے ہوگئے۔ انھوں نے اپنی ایک رکعت پڑھی اور دو سجدے کیے۔ پھر وہ نبی (صلی اللہ علیہ وآلہ وسلم) کے پیچھے رہے۔ پھر ان سب نے سلام پھیرا۔