(٦٢٨٣) ابو عمیر بن انس بن مالک (رض) ، جو ان کے بڑے بیٹوں میں سے تھے۔ فرماتے ہیں کہ میرے انصاری چچاؤں میں سے جو صحابی رسول ہیں، فرماتے ہیں کہ شوال کا چاند مخفی رہ گیا تو ہم نے صبح روزہ رکھ لیا۔ ایک قافلہ دن کے آخری میں آیا ، انھوں نے گواہی دی کہ کل شام ہم نے چاند دیکھا تھا۔ آپ (صلی اللہ علیہ وآلہ وسلم) نے صحابہ کو روزہ چھوڑنے کا حکم فرمایا دیا اور فرمایا : کل صبح عید کے لیے نکلیں۔
امام شافعی فرماتے ہیں : اگر یہ بات ثابت ہے تو ٹھیک ہے۔ اگر وہ عید کے لیے اگلے دن نہیں نکلے تو اس سے اگلے دن نکل آئیں یا پھر اسی دن زوا ل کے بعد نماز عید ادا کرلیں۔