(٦٣٤٣) عروۃ حضرت عائشہ (رض) سے نقل فرماتے ہیں کہ نبی (صلی اللہ علیہ وآلہ وسلم) کے دور میں سورج گرہن لگا، آپ (صلی اللہ علیہ وآلہ وسلم) نکلے اور لوگوں کو نماز پڑھائی۔ میں نے آپ کی قراءت کا اندازہ کیا، میں نے دیکھا کہ آپ نے سورة بقرہ پڑھی ہے، پھر آپ (صلی اللہ علیہ وآلہ وسلم) نے دو سجدے کیے، پھر آپ (صلی اللہ علیہ وآلہ وسلم) نے قیام کیا اور لمبی قراءت کی۔ میں نے آپ (صلی اللہ علیہ وآلہ وسلم) کی قراءت کا اندازہ کیا تو میں نے خیال کیا کہ آپ نے سورة آل عمران پڑھی ہے۔