(٦٥٢٩) عبیدبن خالد کہتے ہیں کہ رسول اللہ (صلی اللہ علیہ وآلہ وسلم) نے دو آدمیوں میں مواخاۃ (بھائی چارہ ) قائم کی۔ ان میں سے ایک قتل کردیا گیا اور دوسرا باقی رہا۔ پھر وہ بھی مرگیا تو صحابہ نے اس کی نماز جنازہ پڑھی۔ آپ (صلی اللہ علیہ وآلہ وسلم) نے فرمایا : تم نے اس کے متعلق کیا کہا تو انھوں نے کہا : ہم نے اللہ سے دعا کی کہ اللہ تعالیٰ اسے معاف کر دے اور اس پر رحم کرے اور اسے اپنے بھائی سے ملا دے تو رسول اللہ (صلی اللہ علیہ وآلہ وسلم) نے فرمایا : اس کے بعد کی اس کی نمازیں کہاں گئیں ، اس کے بعد کے اس کے اعمال کہاں گئے ۔ راوی کہتے ہیں : میرا خیال ہے کہ آپ (صلی اللہ علیہ وآلہ وسلم) نے یہ بھی فرمایا : اس کے بعد اس کے روزے کہاں گئے۔ مجھے قسم ہے اس ذات کی جس کے ہاتھ میں میری جان ہے کہ ان دونوں کے درمیان آسمان و زمین کے برابر فاصلہ ہے۔