(٦٨٥٨) حضرت سالم (رض) اپنے والد سے نقل فرماتے ہیں کہ میں نے نبی کریم (صلی اللہ علیہ وآلہ وسلم) ، ابوبکر (رض) اور عمر (رض) کو دیکھا کہ وہ جنازے کے آگے چلتے تھے تو میں ان کی طرف کھڑا ہو اور کہا : اے ابو محمد ! بیشک معمر (رض) اور ابن جریج (رض) اس میں تیری مخالفت کرتے ہیں کہ وہ حدیث کو نبی کریم (صلی اللہ علیہ وآلہ وسلم) سے مرسل بیان کرتے ہیں اور فرماتے ہیں : زہری نے اسے برقرار رکھا اور میں نے ان کے منہ سے سنا کہ وہ اس کا اعادہ کرتے اور سالم سے روایت کرتے ہیں اور وہ اپنے والد سے ۔ میں نے ان سے کہا : کہ ابو محمد معمر اور ابن جریج دونوں بیان کرتے ہیں اور عثمان نے ان کی تصدیق کی ہے تو انھوں نے کہا : شاید انھوں نے کہا ہو اور میں نے درج نہ کیا ہو اور تب میں شیعہ کی طرف میلان رکھتا تھا۔