(٦٩١٩) نافع ابن عمر (رض) سے نقل فرماتے ہیں کہ انھوں نے نو مردوں اور عورتوں کے جنازے پڑھے تو وہ مردوں کو امام کے قریب کرتے اور عورتوں کو ان سے آگے قبلے کی طرف اور ان کی ایک ہی صف بنائی اور فرمایا : ام کلثوم بنت علی جو عمر بن خطاب (رض) کی بیوی تھیں، ان کا جنازہ اور ان کے بیٹے کا جنازہ رکھا گیا، جسے زید بن عمر کہا جاتا ہے اور اس دن سعید بن عاص امام تھے اور لوگوں میں اس دن ابن عباس ‘ ابوہریرہ ‘ ابو سعید ‘ اور ابو قتادہ (رض) بھی تھے۔ فرماتے ہیں کہ بچے کو امام کے قریب رکھا گیا : ایک آدمی نے کہا : میں نے اسے ناپسند جانا اور ابن عباس، ابوہریرہ ، ابو قتادہ، اور ابو سعید کی طرف دیکھا اور کہا : یہ کیا ہے ؟ تو انھوں نے فرمایا : یہ سنت ہے۔