(٦٩٢٠) حارث بن نوفل کے غلام عمار نے بیان کیا کہ وہ ام کلثوم اور اس کے بیٹے کے جنازے میں گیا تو بچے کو امام کے قریب رکھا گیا، میں نے اسے ناپسند کیا اور قوم میں ابن عباس ‘ ابوہریرہ ‘ سعید اور ابو قتادہ (رض) بھی تھے تو انھوں نے کہا : یہ سنت ہے۔
حماد بن سلمۃ نے عمار بن ابو عمار سے رکھنے کی کیفیت اس کے مخالف بیان کی ہے اور وہ فرماتے ہیں : تب قوم میں حسن (رض) ‘ حسین (رض) ‘ ابوہریرہ (رض) ‘ ابن عمر (رض) اور ایسے ہی اسی (٨٠) کے قریب اصحاب محمد (صلی اللہ علیہ وآلہ وسلم) تھے ، مگر شعبی نے ان کے رکھے جانے کی وہی کیفیت بیان کی ہے اور یہ بھی کہ امامت ابن عمر (رض) نے کی۔