(٧٠١٨) یزید بن ثابت (رض) فرماتے ہیں کہ ہم رسول اللہ (صلی اللہ علیہ وآلہ وسلم) کے ساتھ جنت البقیع کی طرف نکلے، آپ (صلی اللہ علیہ وآلہ وسلم) نے ایک نئی قبر دیکھی تو اس کے متعلق پوچھا ۔ صحابہ نے بتایا تو آپ (صلی اللہ علیہ وآلہ وسلم) نے پہچان لیا ، آپ (صلی اللہ علیہ وآلہ وسلم) نے فرمایا : تم نے مجھے کیوں نہ بتایا ؟ کہا گیا کہ آپ سو رہے تھے ، سو ہم نے آپ کو تکلیف دینا مناسب نہ سمجھا ۔ آپ (صلی اللہ علیہ وآلہ وسلم) نے فرمایا : ایسا نہ کرو کیونکہ جب میں تم میں موجود نہیں ہوتا تو میں اسی نہیں جانتا جو تم میں سے فوت ہوگیا حتیٰ کہ تم مجھے اطلاع نہ کرو۔ میری دعا اس کے لیے باعث رحمت ہوتی ہے۔ پھر آپ قبر پر آئے اور جنازہ پڑھا ۔ ہم نے آپ کے پیچھے صفیں بنائیں اور آپ (صلی اللہ علیہ وآلہ وسلم) نے چار تکبیرات کہیں۔