(٧٠١٩) ابو امامہ سہل بن حنیف انصاری فرماتے ہیں کہ رسول اللہ (صلی اللہ علیہ وآلہ وسلم) بیمارو مسکین مسلمانوں کی اور کمزوروں کی عیادت کرتے تھے اور ان کے جنازوں کے ساتھ جاتے ۔ آپ کے سوا کوئی جنازہ نہ پڑھتا۔ ایک مسکین عورت جو مدینہ کے اطراف میں رہتی تھی اس کی بیماری لمبی ہوگئی۔ آپ (صلی اللہ علیہ وآلہ وسلم) اس کے بارے میں اس سے پوچھتیجو کوئی اس کے ہمسائے سے آتا اور آپ فرماتے : اگر وہ فوت ہوجائے تو مجھے بتائے بغیر دفن نہ کریں، تاکہ اس کا جنازہ پڑھیں۔ رات میں یہ عورت فوت ہوگئی تو انھوں نے اسے اٹھایا اور جنازے کو ساتھ لائے یا جنازے کی جگہ آئے۔ رسول اللہ (صلی اللہ علیہ وآلہ وسلم) کی مسجد کے پاس لائے تاکہ رسول اللہ (صلی اللہ علیہ وآلہ وسلم) اس کا جنازہ پڑھیں جیسے آپ (صلی اللہ علیہ وآلہ وسلم) نے ان سے کہا تھا ۔ انھوں نے پایا کہ آپ (صلی اللہ علیہ وآلہ وسلم) عشا کی نماز کے بعد سو چکے ہیں تو انھوں نے آپ (صلی اللہ علیہ وآلہ وسلم) کو بےدار کرنا پسند نہ کیا اور جنازہ پڑھا دیا اور چل دیئے ۔ جب صبح ہوئی تو آپ (صلی اللہ علیہ وآلہ وسلم) نے اس کے بارے ان سے پوچھا جو ان کے پڑوسی آئے تو انھوں نے آپ (صلی اللہ علیہ وآلہ وسلم) کو اس کی خبر دی اور بتایا کہ آپ کو بیدار کرنا مناسب نہ سمجھا تو رسول اللہ (صلی اللہ علیہ وآلہ وسلم) نے فرمایا : تم نے ایسے کیوں کیا ؟ چلو میرے ساتھ تو وہ آپ (صلی اللہ علیہ وآلہ وسلم) کے ساتھ چل دیے حتیٰ کہ اس کی قبر پر کھڑے ہوئے اور رسول اللہ (صلی اللہ علیہ وآلہ وسلم) کے پیچھے صف بنائی جیسے نمازِ جنازہ کے لیے صف بندی کی جاتی تھی۔ پھر آپ (صلی اللہ علیہ وآلہ وسلم) نے جنازہ پڑھا اور چار تکبیرات کہیں جیسے جنازے پر تکبیرات کہتے تھے۔