(٧٠٣٣) حضرت انس بن مالک (رض) فرماتے ہیں کہ جبرائیل نازل ہوئے اور کہا : اے محمد (صلی اللہ علیہ وآلہ وسلم) ! معاویہ بن معاویہ مزنی فوت ہوگئے ہیں۔ کیا آپ پسند کرتے ہیں کہ اس کا جنازہ پڑھیں۔ آپ (صلی اللہ علیہ وآلہ وسلم) نے فرمایا : ہاں ، جبرائیل نے پر مارا جس سے کوئی درخت یا ٹیلہ درمیان میں نہ رہا سب ہٹ گئے اور اس کی چارپائی کو اٹھایا گیا، یہاں تک کہ آپ (صلی اللہ علیہ وآلہ وسلم) نے اسے دیکھا اور اس کا جنازہ پڑھا آپ کے پیچھے دو صفیں فرشتوں کی تھیں اور ہر صف میں ستر ہزار فرشتے تھے تو نبی کریم (صلی اللہ علیہ وآلہ وسلم) نے جبرائیل (علیہ السلام) سے کہا : اے جبرائیل ! اسے یہ مقام کیسے حاصل ہوا تو اس نے کہا : یہ اس وجہ سے جو وہ { قُلْ ہُوَ اللَّہُ أَحَدٌ} (سو رہ اخلاص) سے محبت کرتا تھا اور وہ ہمیشہ آتے جاتے بیٹھے کھڑے اس کی ہی تلاوت کرتا تھا۔