(٧٠٣٥) عبداللہ بن زبیر (رض) فرماتے ہیں کہ سیدہ عائشہ (رض) اور دیگر ازواج نبی (صلی اللہ علیہ وآلہ وسلم) نے کہا کہ سعد بن ابی وقاص کے جنازے کو ہمارے پاس لایا جائے تو وہ مسجد میں لائے گئے اور ازواجِ نبی نے حجروں پر کھڑے ہو کر ان کا جنازہ پڑھا ، پھر سیدہ کو یہ بات پہنچی کہ کچھ لوگوں نے اس پر اعتراض کیا ہے اور کہا ہے کہ یہ بدعت ہے کیونکہ جنازہ مسجد میں نہیں لایا جاتا تھا تو سیدہ عائشہ (رض) نے فرمایا : لوگوں نے کتنی جلدی ایسی بات پر عیب لگایا ہے جس کا انھیں علم نہیں۔ انھوں نے اس لیے عیب لگایا کہ ہم نے سعد کے جنازے کو مسجد میں بلایا ہے۔ کیا رسول اللہ (صلی اللہ علیہ وآلہ وسلم) نے سھیل بن بیضا (رض) کا جنازہ مسجد میں نہیں پڑھا تھا !