(٧٩٣) ام المؤمنین سیدہ عائشہ (رض) فرماتی ہیں کہ ام سلیم (رض) جو ابوطلحہ کے بیٹوں کی ماں تھیں رسول اللہ کے پاس آئیں، عرض کیا : اے اللہ کے رسول ! بیشک اللہ حق بیان کرنے سے نہیں شرماتا آپ کا کیا خیال ہے اگر عورت نیند میں اس طرح دیکھے جس طرح مرد دیکھتا ہے تو کیا وہ غسل کرے گی ؟ آپ (صلی اللہ علیہ وآلہ وسلم) نے فرمایا : ” ہاں “ سیدہ عائشہ (رض) نے کہا : تیرے لیے افسوس ہو کیا عورت بھی یہ دیکھتی ہے ؟ تو رسول اللہ (صلی اللہ علیہ وآلہ وسلم) نے متوجہ ہو کر فرمایا : ” تیرے ہاتھ خاک آلود ہوں تو مشابہت کہاں سے ہوتی ہے ؟ “