(٧٩٩٦) ابوبکر فرماتے ہیں کہ میں نے سنا کہ ابوہریرہ (رض) فرماتے تھے کہ جس نے صبح جنبی حالت میں کی تو وہ روزہ نہ رکھے۔ تو میں نے یہ بات عبدالرحمن سے کہی تو انھوں نے انکار کردیا، پھر عبدالرحمن اور میں سیدہ عائشہ (رض) اوراُم سلمہ (رض) کے پاس آئے اور عبدالرحمن نے ان سے یہ بات پوچھی تو ان دونوں نے فرمایا کہ رسول اللہ (صلی اللہ علیہ وآلہ وسلم) جنبی ہونے کی حالت میں صبح کرتے تھے بغیر احتلام کے جماع کے ساتھ، پھر آپ (صلی اللہ علیہ وآلہ وسلم) روزہ رکھتے۔ پھر ہم مروان کے پاس آئے اور عبدالرحمن نے انھیں تمام بات بتائی تو مردان (رض) نے کہا : میں اس بات پر قائم ہوں۔ مگر تو ابوہریرہ (رض) کی طرف جا اور دیکھ کہ وہ کیا جواب دیتے ہیں۔ وہ کہتے ہیں : پھر ہم ابوہریرہ (رض) کے پاس آئے اور ابوبکر تمام معاملے میں ہمارے ساتھ تھا تو عبدالرحمن نے یہ بات ابوہریرہ (رض) کے سامنے بیان کی تو ابوہریرہ (رض) نے فرمایا : میں نے یہ بات فضل بن عباس (رض) سے سنی ہے ، نبی کریم (صلی اللہ علیہ وآلہ وسلم) سے نہیں سنی تو ابوہریرہ (رض) جو کہا کرتے تھے اس سے رجوع کرلیا۔ میں نے عبدالملک سے کہا : ان دونوں نے کہا : رمضان میں وہ صبح کرتے اس حال میں کہ بغیر احتلام کے جنبی ہوتے پھر روزہ رکھتے۔