(٨٠٠٥) عبداللہ بن ابی اوفیٰ فرماتے ہیں کہ ایک سفر میں ہم رسول اللہ (صلی اللہ علیہ وآلہ وسلم) کے ساتھ تھے اور رمضان کا مہینہ تھا۔ جب سورج غروب ہوا تو آپ (صلی اللہ علیہ وآلہ وسلم) نے فرمایا : اے فلاں ! اُتر اور ہمارے لیے ستو بنا ۔ اس نے کہا : اے اللہ کے رسول (صلی اللہ علیہ وآلہ وسلم) ابھی تو دن ہے آپ (صلی اللہ علیہ وآلہ وسلم) نے فرمایا : اتر اور ہمارے لیے ستو بنا ، پھر وہ اترا اور ستو بنا کر آپ (صلی اللہ علیہ وآلہ وسلم) کے پاس گیا تو آپ (صلی اللہ علیہ وآلہ وسلم) نے پیا، پھر اپنے ہاتھ سے فرمایا (اشارہ کیا) جب سورج ادھر غائب ہوجائے اور ادھر سے رات آجائے تو روزہ دار افطار کرلے۔