(٨٠٤٩) عبدلرحمن بن عوف (رض) بیان کرتے ہیں کہ میں نے ابوہریرہ (رض) سے سنا کہ آپ (صلی اللہ علیہ وآلہ وسلم) کے پاس ایک آدمی آیا اور اس نے کہا : اللہ کے رسول ! میں ہلاک ہوگیا تو آپ (صلی اللہ علیہ وآلہ وسلم) نے فرمایا : تجھ پر افسوس ! وہ کیسے ؟ اس نے کہا : میں رمضان میں روزے سے تھا اور اپنی بیوی سے صحبت کرلی ہے تو رسوال اللہ (صلی اللہ علیہ وآلہ وسلم) نے فرمایا : کیا تیرے پاس غلام ہے جو تو آزادکردے ؟ اس نے کہا : نہیں۔ آپ (صلی اللہ علیہ وآلہ وسلم) نے فرمایا : کیا تو دو مہینے متواتر روزے رکھنے کی طاقت رکھتا ہے ؟ اس نے کہا : نہیں تو آپ (صلی اللہ علیہ وآلہ وسلم) نے فرمایا : کیا تو ساٹھ مسکینوں کو کھلانے کی گنجائش رکھتا ہے ؟ اس نے کہا : نہیں۔ تو آپ (صلی اللہ علیہ وآلہ وسلم) خاموش ہوگئے۔ ابوہریرہ (رض) فرماتے ہیں : ہم اسی حالت میں بیٹھے تھے کہ آپ (صلی اللہ علیہ وآلہ وسلم) کے پاس کھجو وروں کا ایک ٹوکرالایا گیا، تو آپ (صلی اللہ علیہ وآلہ وسلم) نے فرمایا : ابھی جو آدمی تھا وہ کہاں ہے ؟ اور فرمایا : یہ لے لو اور صدقہ کردو۔ اس نے کہا : اللہ کے رسول (صلی اللہ علیہ وآلہ وسلم) جو مجھ سے زیادہ محتاج ہیں ان پر، اللہ کی قسم دونوں پہاڑوں کے درمیان مجھ سے زیادہ محتاج کوئی نہیں تو آپ (صلی اللہ علیہ وآلہ وسلم) مسکرادیے حتیٰ کہ آپ (صلی اللہ علیہ وآلہ وسلم) کی داڑھیں ظاہر ہوگئیں ۔ پھر آپ (صلی اللہ علیہ وآلہ وسلم) نے فرمایا : اپنے گھر والوں کو کھلادے۔
زہری فرماتے ہیں کہ راویوں کی جماعت نے اس پر اتفاق کیا ہے۔ اسی وجہ سے اس کا نام بھی ہم نے رکھ دیا اور یہ کہ آدمی کا افطار جماع کرنے کی وجہ سے ہوا تو نبی کریم (صلی اللہ علیہ وآلہ وسلم) نے کفارے کا حکم ایک ترتیب سے دیا سیدہ عائشہ (رض) فرماتی ہیں کہ یہ رمضان میں دن کے وقت جماع کرنے کے ساتھ مقید۔