(٨٥٥٠) عبادہ بن صامت (رض) بیان کرتے ہیں کہ ہماری طرف رسول اللہ (صلی اللہ علیہ وآلہ وسلم) نکلے اور آپ (صلی اللہ علیہ وآلہ وسلم) لیلۃ القدر کے متعلق آگاہ کرنا چاہتے تھے مگر مسلمانوں میں سے دو آدمی جھگڑا کررہے تھے تو آپ (صلی اللہ علیہ وآلہ وسلم) نے فرمایا : میں تمہاری طرف نکلا تاکہ تمہیں بھی آگاہ کروں لیلۃ القدر کے بارے میں۔ آپ (صلی اللہ علیہ وآلہ وسلم) نے فرمایا : فلاں فلاں کے جھگڑے کی وجہ سے اسے اٹھا لیا گیا ۔ ہوسکتا ہے اس میں بہتری ہو۔ اسے آخری عشرے میں تلاش کرو پانچ سات یا نو میں۔