(٨٨٣٦) مجاہد کہتے ہیں کہ میں اور عروہ بن زبیر مسجد میں داخل ہوئے تو وہاں عبداللہ بن عمر (رض) سیدہ عائشہ (رض) کے حجرے کے پاس بیٹھے ہوئے تھے اور لوگ مسجد میں چاشت کی نماز پڑھ رہے تھے تو ہم نے ان سے لوگوں کی نماز کے بارے میں دریافت کیا تو وہ کہنے لگے کہ یہ بدعت ہے، پھر انھوں نے کہا کہ نبی (صلی اللہ علیہ وآلہ وسلم) نے کتنے عمرے کیے ؟ کہنے لگے : چار، ایک رجب میں تو ہم نے ناپسند کیا کہ ہم اس کو جھٹلائیں یا اس کا رد کریں اور ہم نے ام المومنین عائشہ (رض) کے مسواک کرنے کی آواز حجرے کے پیچھے سے سنی تو عروہ نے کہا : اے اماں جان ! کیا آپ نے سنا نہیں جو ابوعبدالرحمن نے کہا ہے، کہنے لگی : کیا کہا ہے ؟ تو اس نے کہا : وہ کہتے ہیں کہ رسول اللہ (صلی اللہ علیہ وآلہ وسلم) نے چار عمرے کیے، ان میں سے ایک عمرہ رجب میں کیا تھا، تو وہ کہنے لگی : اللہ ابوعبدالرحمن پر رحم کرے رسول اللہ (صلی اللہ علیہ وآلہ وسلم) نے جو بھی عمرہ کیا وہ اس میں ان کے شریک تھے اور آپ (صلی اللہ علیہ وآلہ وسلم) نے رجب میں کوئی عمرہ نہیں کیا۔