(٨٨٣٧) عروہ فرماتے ہیں کہ میں اور ابن عمر (رض) سیدہ عائشہ (رض) کے حجرے کے ساتھ ٹیک لگا کر بیٹھے ہوئے تھے اور میں ان کے مسواک کرنے کی آواز سن رہا تھا تو میں نے کہا : رسول اللہ (صلی اللہ علیہ وآلہ وسلم) نے رجب میں عمرہ کیا ہے ؟ وہ کہنے لگے : ہاں ! میں نے کہا : اے اماں جان ! کیا آپ نے سنا نہیں کہ ابوعبدالرحمن کیا کہہ رہے ہیں ؟ وہ کہتے ہیں کہ رسول اللہ (صلی اللہ علیہ وآلہ وسلم) نے رجب میں عمرہ کیا ہے تو وہ کہنے لگیں : اللہ ابوعبدالرحمن پر رحم کرے، رسول اللہ (صلی اللہ علیہ وآلہ وسلم) نے جو بھی عمرہ کیا، ابوعبدالرحمن اس میں ان کے ساتھ تھے، رسول اللہ (صلی اللہ علیہ وآلہ وسلم) نے رجب میں عمرہ نہیں کیا۔