(٩٢٤٦) وبرہ فرماتے ہیں کہ میں ابن عمر (رض) کے پاس بیٹھا تھا کہ ایک آدمی آیا اور کہنے لگا : کیا عرفات میں آنے سے پہلے بیت اللہ کا طواف کرسکتا ہوں ؟ تو انھوں نے کہا : ہاں، تو وہ کہنے لگا کہ ابن عباس (رض) کہتے ہیں کہ تو بیت اللہ کا طواف نہ کر حتیٰ کہ موقف میں آ، تو ابن عمر (رض) نے کہا کہ رسول اللہ (صلی اللہ علیہ وآلہ وسلم) نے حج کیا تو موقف میں آنے سے پہلے بیت اللہ کا طواف کیا تو کیا رسول اللہ (صلی اللہ علیہ وآلہ وسلم) کا فرمان عمل پیرا ہونے کا زیادہ حق قدار ہے یا ابن عباس (رض) کا ، اگر تو سچا ہے۔