(٩٢٤٥) ابن جریج فرماتے ہیں کہ مجھے عطاء نے بتایا کہ ابن عباس (رض) فرماتے تھے : حاجی اور غیر حاجی جو بھی بیت اللہ کا طواف کرے گا، حلال ہوجائے گا تو میں نے عطاء سے کہا کہ وہ یہ بات کیسے کہتے تھے ؟ کہنے لگے کہ اللہ کے اس فرمان کی روشنی میں پھر اس کا حلال ہونا ہے پرانے گھر کی طرف ، میں نے کہا : یہ تو عرفہ کے بعد کی بات ہے، کہنے لگے کہ ابن عباس (رض) کہتے تھے : عرفہ سے پہلے بھی اور بعد بھی اور وہ نبی (صلی اللہ علیہ وآلہ وسلم) کے حجۃ الوداع کے موقع پر اپنے صحابہ کو حلال ہونے کا حکم دینے سے دلیل پکڑتے تھے۔
شیخ فرماتے ہیں : ہم نے نبی (صلی اللہ علیہ وآلہ وسلم) ، پھر ابوذر (رض) سے روایت کیا ہے جو اس بات پر دلالت کرتا ہے کہ ان کا حج کو عمرہ کے ساتھ فسخ کرنا نبی (صلی اللہ علیہ وآلہ وسلم) کے سوار صحابہ کے لیے خاص تھا، ان کے علاوہ دوسروں نے حج کیا یا حجِ قران کیا، پھر طواف قدوم کیا، پھر وہ یوم نحر سے پہلے حلال نہیں ہوئے۔ پھر وہ ان کاموں کے ساتھ حلال ہوئے جن سے محرم حلال ہوجاتا ہے۔