(٩٤٩٨) عبدالرحمن بن یزید فرماتے ہیں کہ میں ابن مسعود (رض) کے ساتھ مکہ گیا تو وہ تلبیہ کہتے رہے ، ان کو عرفہ کی رات ایک اعرابی نے سنا تو کہا : یہ کون ہے جو اس جگہ تلبیہ کہتا ہے ؟ میں نے ابن مسعود (رض) کو تلبیہ کہتے سنا ، وہ کہہ رہے تھے لبیک مٹی کے ذروں کے برابر لبیک، میں نے ان کو اس طرح سے پہلے یا بعد میں تلبیہ کہتے نہیں سنا، پھر ہم جمع پہنچے تو انھوں نے ہمیں دو نمازیں پڑھائیں ۔ ہر ایک ایک اذان اور اقامت کے ساتھ اور ان دونوں کے درمیان شام کا کھانا کھایا، پھر جب فجر طلوع ہوئی تو فجر کی نماز پڑھائی اور کہا : یقیناً رسول اللہ (صلی اللہ علیہ وآلہ وسلم) نے فرمایا : یہ دو نمازیں اس جگہ پر اپنے وقت سے پھرجاتی ہیں ، یعنی مغرب اور فجر لوگ مزدلفہ میں نہ آئیں حتیٰ کہ عشا کرلیں اور فجر کی نماز اس وقت میں پڑھائی ، پھر ٹھہرے حتیٰ کہ روشنی ہوگئی پھر فرمایا : اگر امیرالمومنین یعنی عثمان (رض) اب لوٹ جائیں تو وہ سنت کو پالیں گے۔ مجھے علم نہیں کہ انھوں نے یہ بات پہلے کہی یا عثمان پہلے لوٹے۔ پھر تلبیہ ختم نہیں کیا حتیٰ کہ جمرہ عقبہ کی رمی ا نحر والے دن کی۔
ہم کتاب الصلاۃ میں عن الاسود عن عمر بن الخطاب اس کو بیان کر آئے ہیں کہ انھوں نے اس طرح کیا تھا۔