(٩٦٢١) عبداللہ بن عمرو (رض) فرماتے ہیں : ایک شخص نے نبی (صلی اللہ علیہ وآلہ وسلم) سے سوال کیا کہ میں نے رمی کرنے سے پہلے قربانی کرلی ہے آپ (صلی اللہ علیہ وآلہ وسلم) نے فرمایا : رمی کرلے کوئی بات نہیں ۔ ایک دوسرے نے کہا : میں نے ذبح کرنے سے پہلے سر منڈوا لیا ہے، آپ (صلی اللہ علیہ وآلہ وسلم) نے فرمایا : ذبح کرلے کوئی حرج نہیں۔
شافعی اور یحییٰ کی حدیث کے الفاظ بھی اسی طرح ہیں، مگر انھوں نے کہا کہ رسول اللہ (صلی اللہ علیہ وآلہ وسلم) حجۃ الوداع کے موقع پر منیٰ میں لوگوں کے لیے ٹھہرے، لوگ آپ سے سوال کر رہے تھے۔ (شافعی اور یحییٰ ) ان دونوں نے حلق والے سوال کو نحر والے سوال پر مقدم کیا اور اس کا لفظ نہیں کہا۔