(٩٧٣٠) شقیق بن سلمہ فرماتے ہیں کہ میں شیبہ بن عثمان کے ساتھ مسجد حرام میں بیٹھا تو انھوں نے کہا : جس طرح تو میرے ساتھ بیٹھا ہے بالکل اسی طرح عمر بن خطاب (رض) بیٹھے تھے اور وہ کہنے لگے کہ میرا ارادہ ہے کہ میں کعبہ کا سارا سونا اور چاندی کچھ بھی نہ چھوڑوں ، سب تقسیم کر دوں، شیبہ کہتے ہیں : میں نے کہا : آپ کے دو ساتھیوں نے تو یہ کام نہیں کیا، یعنی رسول اللہ (صلی اللہ علیہ وآلہ وسلم) اور ابوبکر (رض) نے، تو عمر (رض) نے فرمایا : وہ دونوں ایسے آدمی ہیں کہ میں جن کی اقتدا کرتا ہوں۔