(٩٧٣١) شیبہ بن عثمان جعفی سیدہ عائشہ (رض) کے پاس گئے اور کہا : اے ام المومنین ! کعبہ کا غلاف ہمارے پاس جمع ہوتا ہے اور جب وہ زیادہ ہوجائے تو ہم کنویں کھود کر اس میں دفن کردیتے ہیں تاکہ کوئی جنبی یا حائضہ انھیں نہ پہن لے تو سیدہ عائشہ (رض) نے فرمایا : تم نے اچھا نہیں کیا اور بہت برا کام کیا ہے ، کعبہ کا غلاف جب اتار لیا جائے تو جنبی وحائضہ کے پہننے میں کوئی حرج نہیں ہے، لیکن تو اس کو بیچ دے اور اس کی قیمت ساکنین اور جہاد میں لگا دے، کہتی ہیں کہ اس کے بعد شیبہ اس غلاف کو یمن بھیجتا، اسے وہاں بیچ دیا جاتا پھر اس کی قیمت مساکین، جہاد اور مسافروں پر خرچ کی جاتی۔