Sunan Darimi: Hadith 766

حضرت عائشہ (رض) بیان کرتی ہیں ایک انصاری خاتون نے نبی اکرم (صلی اللہ علیہ وآلہ وسلم) سے حیض کے بارے میں سوال کیا تو آپ نے ارشاد فرمایا تم پانی اور بیری حاصل کرو پھر اسے دھو کر اچھی طرح صاف کرو پھر سر پر پانی بہاؤ یہاں تک کہ وہ بالوں کی جڑوں تک پہنچ جائے پھر خوشبو میں بسا ہوا کپڑے کا ٹکڑا استعمال کرو اس خاتون نے دریافت کیا یا رسول اللہ میں اس کے ذریعے کیا کروں ؟ نبی اکرم (صلی اللہ علیہ وآلہ وسلم) خاموش رہے اس خاتون نے پھر فرمایا یا رسول اللہ میں اس کا کیا کروں ؟ نبی اکرم (صلی اللہ علیہ وآلہ وسلم) خاموش رہے حضرت عائشہ (رض) نے فرمایا تم خوشبو میں بسا ہوا کپڑے کا ٹکڑا لے کر خون کے مخصوص مقام پر پھیرو۔ نبی اکرم (صلی اللہ علیہ وآلہ وسلم) نے یہ بات سنی اور آپ نے اس پر کوئی انکار نہیں کیا۔