ابوحکم بیان کرتے ہیں میں نے حضرت ابن عباس (رض) سے مٹکے میں نبیذ تیار کرنے کے بارے میں دریافت کیا تو انھوں نے جواب دیا نبی اکرم (صلی اللہ علیہ وآلہ وسلم) نے مٹکے اور دباء میں نبیذ تیار کرنے سے منع کیا ہے میں نے یہی سوال ابن زبیر سے کیا تو انھوں نے بھی حضرت ابن عباس (رض) کی مانند جواب دیا ابوحکم بیان کرتے ہیں حضرت ابن عباس (رض) فرماتے ہیں جو شخص چاہتا ہو وہ اس چیز کو حرام قرار دے جسے اللہ اور اس کے رسول نے حرام قرار دیا ہے تو اسے نبیذ کو حرام قرار دینا چاہیے ابوحکم بیان کرتے ہیں میرے بھائی نے مجھے ابوسعید خدری (رض) کے حوالے سے یہ روایت سنائی ہے نبی اکرم (صلی اللہ علیہ وآلہ وسلم) نے مٹکے دباء اور مزفت میں نبیذ تیار کرنے سے منع کیا ہے اور خشک اور تر کھجور کی ایک ساتھ نبیذ تیار کرنے سے منع کیا ہے۔