حضرت فضیل بن زید رقاشی بیان کرتے ہیں وہ حضرت عبداللہ بن مغفل کی خدمت میں حاضر ہوئے اور عرض کی کہ آپ ہمیں بتائیں کہ ہمارے لیے کون سی شراب حرام ہے انھوں نے جواب دیا خمر، میں نے جواب دیا اس کا ذکر قرآن میں موجود ہے انھوں نے فرمایا میں تمہیں وہی حدیث سناؤں گا جو میں نے نبی اکرم (صلی اللہ علیہ وآلہ وسلم) کی زبانی سنی ہے (راوی کہتے ہیں شاید انھوں نے نبی (صلی اللہ علیہ وآلہ وسلم) کے اسم گرامی کو پہلے ذکر کیا تھا اور آپ کے رسول ہونے کا ذکر بعد میں کیا تھا یا شاید رسالت کا ذکر پہلے کیا تھا اور اسم گرامی کا ذکر بعد میں کیا تھا) ۔ پھر انھوں نے بتایا نبی اکرم (صلی اللہ علیہ وآلہ وسلم) نے دباء، حنتم اور نقیر (میں شراب تیار کرنے) سے منع کیا ہے۔